నన్ను వదలి నువ్వెళ్ళిన ప్రతిసారీ
ఎవ్వరూ లేని తీరానికి పోయి
దుఃఖపు పొరను అడ్డం పెట్టుకుని
ఈ ప్రాణాన్ని విడుస్తాను.
నడుస్తున్న దీపపు నీడల మధ్య
గాలికి వేలాడుతున్న చెట్లు
ఊగుతూ తలలూపుతూ
నిశ్శబ్దాన్ని ఛేదించే లోపు
ఆయుధం కోసం ఎదురుచూస్తాను.
నడిరేయి నిదురలో కలవరింతలై
ఆకాశం కార్చే కన్నీరు ఆగితే
నిన్ను ప్రేమించడం మరిచిపోతాను.
ఈ మాయలో చేతికి దొరికిన
ఆనందాన్ని జారవిడుస్తాను.
మాటలన్నాలేని ఒంటరితనంలో
నీ తలపు పొలమారక ముందే
బయటి ప్రపంచంలోకి పారిపోతాను
No comments:
Post a Comment