నీ గురించే ఆలోచిస్తున్నాను
బయట వర్షం పడుతుంది.
నీ నుంచి పారిపోలేక
నీ ఆలోచనలోకి ఒదిగిపోయి
నాలాగే నువ్వూ
తడిచి ఉంటావని చిన్న ఊహ
ఈ స్తబ్దత నిండిన
రాత్రుళ్ళు రాలిపడిన పూలను
దోసిళ్ళతో పట్టుకుని
నీ నవ్వు లాంటి నవ్వుకోసం
నీ రూపం లాంటి రూపంకోసం
ఎన్నోమార్లు తరచి చూసాను.
ఈ రెండు కళ్ళకూ దిక్కుసూచిని
తగిలించి స్వేచ్ఛమైన ప్రదేశానికి
దారులు వెతికాను.
నా నిష్కల్మషపు కళ్ళకు నిన్ను
వెతకడమే పనైపోయింది
ఒకరిని ఒకరం హత్తుకుని
నడుస్తున్న దూరం మన
జీవిత కాలానికి సుగంధాన్ని
అద్దుతుందని చిన్న ఆశ...
No comments:
Post a Comment