ఎట్లా మరిచిపోను నిన్ను
కొలనులో తేలియాడే కలువను
మరిచిపోతారా ఎవరైనా..
నేనూ అంతే..
చీకట్లో ప్రతి నీడనూ
నువ్వేనని భ్రమ పడతాను.
నా ప్రతి ఆశలోనూ నువ్వే ఉన్నావని
లెక్కగడతాను.
రాత్రికి రాత్రికి మధ్యలో నిన్ను
కలవమని గాలితో కబురు
పంపుతాను.
ప్రియా..
నీ స్పర్శ లేకుండానే కాలం
గడిచిపోయింది.
నీ కోసం వెతుకుతూ
వెర్రి చూపులతో
దిగులు కళ్ళతో
వీధి వాకిలిలో నిరీక్షణతో
ఈ పాదాలు అలసిపోయాయి.
నా వేయి కళ్ళనూ నక్షత్రాలుగా
చేసికొని కాచుకున్నాను.
చంద్ర వంకవు ఎట్లా మరువను నిన్ను...
No comments:
Post a Comment