మరొకరోజు మరో సమయం...
..................
ఆ రోజుల్లాంటి రోజు
మళ్ళీ వస్తుందా? ఏమో!
నిశ్శబ్దంగా నీ కళ్ళల్లో
నా రూపాన్ని వెతికిన రోజు
అదృశ్యంగా దేహాన్ని తాకి
మాయమైన గాలి
నా నుదిటిమీద నీ పెదవులు
వేసిన ముద్ర
గడ్డి కుదుళ్ళు గాలి
వాటుకు ఊగిసలాడిన రోజు
మెరుస్తున్న నీటి తునకల మధ్య
నువ్వు ఇచ్చిన గోరు వెచ్చని ముద్దు
గతం అర్థాన్ని వాస్తవంలో తడిమి
నా తనువు నీ ఒడిలో వాలిన ఆరోజు
రాత్రి కాంతిరేఖ నిన్ను చూసి
కన్నుగీటిందే అదే రోజు
ఎక్కడికి పోయాయి ఆరోజులన్నీ
ఆ జ్ఞాపకాలను గమనిస్తూ..
అర్థాన్ని వెతుకుతూ..
ఓ సాయంత్రం నీ కౌగిలిని కలగంటూ
నేను..
No comments:
Post a Comment