నిశ్చలమైన నది పై
ప్రయాణిస్తున్నాను
నదిని దాటి నిన్ను
చేరాలని ఆశ లోపల
ఈ తెరచాటు పరదాలో నా
ముఖాన్ని దాచుకున్నాను
శూన్యాన్ని ప్రశన్నంగా చూస్తూ
లోపలి దిగులు నీకు
మాత్రమే చెప్పాలనీ
చీకటిని ప్రశ్నిస్తూ వెలుగు
వెలుగును ప్రశ్నిస్తూ చీకటి
పోటీ పడుతున్నాయి.
నీటి లోపలి
రాళ్ళు నవ్వుతున్నాయి..
చిట్టి చేపల అల్లరి, నీటి బాతుల
ఊసులు చెప్పనే అక్కరలేదు
అక్కడే నేను ఎదురు
చూస్తున్నాను
ప్రియా.. ఏవి నీ చేతులు
నన్ను చుట్టేందుకు
గమ్యం తెలీని ప్రయాణంలో
నీ తలపే వెలుగు
ఈ దేహానికి
నీ కౌగిలే మందు..
No comments:
Post a Comment