చలి సాయంత్రాలు
నిశ్శబ్దపు లోతులు
వెలుగు పరచుకోని మూలలు
ఈ ఏకాకి జీవితంలో
నా రోజును సగానికి నరికేసే
నీ ఆలోచన ముందు
పెదాలనంటుకున్న పసినవ్వు
రాలిపడే ప్రతి ఆకుపైనా
గతకాలపు మరకలు
జీవం తెలియని ఈ మేను
పై నీ సంతకం
వీళ్ళంతా అంటారుకదా
నేను కలగంటున్నాననీ
ఏది కల?
జోరుగా వీచే గాలికెరటాలకు
ఊగిసలాడే ఈమనసుకు
అంటుకున్న నీ పరిమళం
నా చుట్టూ వ్యాపించినపుడు
నీ చేతి స్పర్శకు నేను తడబడినప్పుడు
రెండుగా చీలిపోయే ఆలోచనలతో
ఒక్క క్షణం కాలం ఆగిపోయి
మళ్ళీ సర్దుకుంటుంది
No comments:
Post a Comment