కాలాన్ని లెక్కపెట్టు
ఎన్ని దోసిళ్ళ నవ్వులు
నీకందిస్తుందో
మండిపడిపోతున్న సూరీణ్ణి
కళ్ళప్పగించి
చూసే బలాన్ని ఇమ్మను
తొడిమలేని సన్నజాజులు పెట్టే
సువాసనల చక్కిలిగిలిని
ఆస్వాదించు
చంద్రుడు గిల్లిన వెన్నెలను
అడుగు
మనసెన్ని సార్లు పారేసుకుందో
ఎర్రగా పండిన తాంబూలాన్ని అడుగు
ఎవరి మనసు పండించిందో
విచ్చుకున్న పూరేకుల అందాలను
గిచ్చుకుపోయే తుమ్మెదనడుగు
ఆ ఆత్రం ఎందుకనీ
నీ నీలి కన్నుల్లో దాచిన నా
రూపాన్ని అడుగు
ఎప్పుడు ప్రేమ పుట్టిందనీ
No comments:
Post a Comment