నీ దిగులు కమ్మేసినపుడు

ఒంటరి ఆలోచనల్లో గాలికి తల

ఊగించే లతాంతం

నాతో

కబుర్లాడిన క్షణంలో

ధారాపాతంగా జారుతున్న

నీ ఊసులను దోసిళ్ళతో పట్టి

దాచుకున్న జ్ఞాపకం

హృదయాన్ని వెచ్చగా కమ్ముకుంటున్న

ఆలోచనలను పక్కన పెట్టి

మాటలను అరువు తెచ్చుకుని

చూపులతో

వెతుకుతూ

నీవు పంచిన అనురాగ మేఘాల

వెంట పరుగులు పెట్టిన

జ్ఞాపకం

నీ

క్షేమ సమాచారం తెలియక

గుంజుకున్న గుండె

పడ్డ ఇబ్బంది

నీ నుంచి పారిపోని నన్ను

పట్టుకుని ప్రేమలేఖ

రాసిన జ్ఞాపకం

వెలుతురు ఎరుగని

దారులంట నీతో

రావాలని పడిన ఆరాటం

ఈ బాధను తీయగా నీ విరహాన్ని

కమ్మగా అదుముకుంటూ

ఆ.. గోదారి గట్టున

కాచుకుని నేను