సూరీడు ఇంకా కనికరం చూపలేదు
ఈ ప్రకృతిని రాతిరి విడవలేదు
పైరునంటిన పొగమంచు వాసన
పచ్చదనాన్ని కప్పేసిన చీకటి
పూరిపాకలో ప్రశాంతమైన నిద్ర
కుక్కపిల్లను వెక్కిరిస్తున్న వీధిలైటు
ఇళ్ళను కావలించుకున్న చెట్ల నీడ
ఫారాల్లో నిద్దరోతున్న కోళ్ళు
పలకరించిన గబ్బు వాసన
దీపాన్ని చుట్టుముట్టిన పురుగులు
మర్రిచెట్టు మీది కాకులు
కప్పల బెక బెకలు
కన్ను పొడుచుకున్నా కానని దారి
వేగమందుకున్న రైలు బండి
పెద్దవై చిన్నబోతున్న దీపాలు
కాంతిని కాసేపు ఆర్పేసిన గుడ్డి ఇళ్ళు
ఊగుతున్న కట్టవ మీది తాటిచెట్లు
కీచురాళ్ళ పలకరింపులు
కాలాన్ని చక్రాలకు కట్టుకుని
దూసుకొచ్చిన గూడ్సు రైలు
గమ్యాన్ని చేరాలని ఆరాటం
దూరంగా నిద్దరలో జోగుతున్న ఊళ్ళు
No comments:
Post a Comment