మల్లె పందిరి కింద

మసకబారేటి రాతిరికి

పాడే దీపాల జోల

నిదురకన్నులకు వెన్నెల

అద్దిన సోయగపు సోన

మల్లె పందిరి కింద

మగనితోడుగా

వదులుచేసుకున్న

హొయలు ఎన్నో

జార విడిచిన కోక,

ముడివిడిన కురులు తప్ప

ఎవరు ఎరిగేరు

ఏంకాంత ఏమంత సొగసో

కునుకు ఎరుగని రాత్రి

కన్నులు కలువలై మెరిసి

అమృతపు అనుభవాలను

దాచుకుంది.

మధూదయంలో గేలిచేసిన

మధవీ లతలకేం తెలుసు

గతరాత్రి ప్రణయాన్ని పట్టుకున్న

వాడిన మల్లెలే సాక్ష్యం