పొడిబారిన ముద్దు..

కొన్నాళ్ళుగా నీ ముద్దు

పెదవుల్ని అంటడం లేదు..

తడారిపోయింది

చప్పగా.. జీవం లేనట్లుగా..

మారిపోతుంది నిజం నుంచి జ్ఞాపకంలా

ఈ ముద్దే తరుముతోంది

పెదాలను మెలితిప్పుతూ.. నాలుకతో

స్నేహం చేస్తావు చూడు అదే ముద్దు

నన్ను వెక్కిరిస్తుంది.

వెచ్చని నీటి ఆవిరిలా అలముకుంటూ

అదే ఊహ..

దూరంగా జరిగిపోతున్న జ్ఞాపకాలతో

తెంపుకోలేని సంకెల ఈ ముద్దు

గాఢంగా హత్తుకుంటూ

పెదాలతో ప్రేమను బట్వాడా

చేస్తావు చూడు,, అదే ముద్దు

కదిలిపోతున్న ఆలోచనల్లా

గుండెల్లో గుబులు పుట్టిస్తో

వడపోతల రాపిడితో

ముద్దు చుట్టూనే ఆలోచన

ఎంత తెంపినా తెగని రొదలా

కాలంతో పోటీపడి పొడిబారిపోతోంది.