ఒంటరితనంతో హృదయం కాచుకున్నప్పుడు
నీ వలపు గుర్తుకొచ్చినపుడు
నేనా ఆలోచనలో ఉన్నప్పుడు
ఈ ఏకాంతాన్ని నీడ కప్పేసినప్పుడు
నీ ఆలోచన చుట్టుకుంటుంది.
చిగురు కొమ్మను పలకరించినట్టు
మొగ్గ తొడుగు విడినట్టు
పూల సువాసనలు గాలిని పులుముకున్నట్టు
ఇటుగా వచ్చి పలకరించే
మనిషి నీవే కావాలనుకుంటాను.
అట్లా కూచుని గాలికి గుమ్మంలో
ఊగే చెట్టు ఆకుల్ని చూస్తున్నప్పుడు
దీపాన్ని దాచుకోవాలనే
ఆలోచనలో తెల్లవారుతున్నప్పుడు
హృదయమా..!
ఈ మనసుకు వచ్చి అతుక్కునే
ఆలోచనల్లో నువ్వూ
జతౌతావు.
No comments:
Post a Comment