నొప్పి తెలియని ప్రయాణం కావాలి

ఈదుకుంటూ గడిచిపోతున్న 

కాలం కొలనులో గాలం వేస్తే

నేనే చిక్కాను.

ఒంటరి కాగితం పడనై

తేలుతూ, ఈదుతూ

ఆకాశాన్ని అందుకుంటాననే ఆశతో

పోతున్నాను పైపైన ఊగుతూ..

గురుతుపెట్టుకున్న దారులు లేవు

ఒకటే ప్రయాణం, సాఫీగా చేరాలని

ఈలోపు నీళ్ళు పడవలోకి రాకూడదు.

నొప్పి తెలియని ప్రయాణం కావాలి.

వాన చినుకులకు నానకూడదని, 

అసలు వానే రాకూడదని

మొక్కుతూ, ఊగుతూ ప్రయాణిస్తున్నాను.

ఒడ్డుకు చేరిపోతే చాలు

ఊపిరి బిగబట్టే బాధ తప్పుతుంది.