చుట్టూఉన్న దిగులును
పక్కకు తోసి
ఆ మర్రిచెట్టుకు కట్టిన
ఊయల ఊగుతున్నానే
ఆ కాలానికేనా మన ప్రయాణం
ఎక్కడికి వెళతావు
ఆ చోటుకేనా!
ఆటలన్నీ ఆడి అలసిపోతామా
అప్పుడూ నేనే సేద తీర్చాలి.
ఎన్నివేల క్షణాలో అలా
నిన్ను ప్రేమించే సమయాలకై
ఎదురు చూస్తూ...
ఎప్పుడు వస్తుందది
నేను నీరసించాకనా!
అలసి ఆవిరైపోతున్న వేళనా!
ఏం దేహాలివి
ముట్టుకుంటే మాసిపోతాయి
ఊపిరాడక గాలికోసం
తడిముకుంటాయి.
ఇప్పుడు ఈ ముడుచుకున్న
దేహం వద్దు కదూ నీకు
వెగటేస్తుందా..!
అందానికే అందంగా
ఉన్నానంటివి..నిజం కాదా!
No comments:
Post a Comment