నక్షత్రాలు రాతిరిని అంటుకుని.. ఉండిపోయాయి..
నీ ఆలోచనలు నన్ను పట్టుకుని వదలనట్టు
నిండిపొర్లే నీటిని చేపలు వదిలిపోతాయా..
నీ రహస్యాలు తెలిసిన మనసు మాసిపోనట్టు..
దీపాల్ని తీసి చూసినా నాకలల అంచుల్లో నీ ఊహే..
చీకటినలుపుల మధ్య నీ ఊహ మధురం..
నిన్ను తెలుసుకునే ప్రయత్నంలో..
వెచ్చని కౌగిలి హృదయానిక అడ్డంగా వచ్చినట్టు
మెరుస్తుంది.. నక్షత్రంలా.. నా కళ్ళల్లా..
వొంటరితనాన్ని సైతం ఆవరించే సమక్షం నీది..
కావలించుకుని నాకు నీ వెచ్చదనాన్ని గుర్తుచేస్తూ..
ఇంకేం అడుగకు.. తక్కింది నా కలలో ఉంది. (శ్రీ)
No comments:
Post a Comment