ఏం వెతుకుతున్నావ్
ఇంకిపోయిన ఇష్టాల జాడలనా
తొలిపొద్దు మలిపొద్దుగా
మారి జారిన కాలాన్నా
మనసులు కలిసి రావడమంటే
తెలిసిందే ఆ రాతలనా
ఎవరొస్తారు సాక్ష్యం
ఏమో..ఈ మనసు గురుతులు తప్ప
మరే ముంది సాక్ష్యం
జోలపాటగా మారిన ఊసులన్నీ ఏమైనట్టూ
ఊరికే ఊగాడిన మనసు బాసలన్నీ
దారి తప్పిపోయాయి.
చుట్టుకున్న చలిగాలిని ఆపాలనీ
ఆ నెగళ్ళ చుట్టూ చలికాచుకున్న
కాలాన్ని జ్ఞాపకాలలో చేర్చగలనా
ఎన్ని ప్రేమ సందేశాలు పంపాను
ఏదీ ఓ జవాబూ చేరలేదు
నీటి పొరలతో మసకబారిన
చూపులకు ఎటు చూడు నీ రూపమే
ఎన్ని రోజులు వెతకను
ఆత్రపడే మనసు ఇప్పుడు కరువైపోయాకా
మిగిలిన ఈ శూన్యాన్ని పేర్చుకుంటూ
No comments:
Post a Comment