ఒక వేడి మధ్యాహ్నపు మగత నిద్దురలో కలగంటున్నాను..
ఇసుక ఎడారుల్లో ఎరుపెక్కిన గోధుమ వర్ణాన్ని తాకుతున్న ఎండ
మైదానం నిండా నీరూరుండని దారుల గుండా దాహంతో వగరుస్తూ..
చిగురుటాకుల చప్పుళ్ళ కోసం, చెట్ల నీడ కోసం వెతుకుతున్నాను.
వెచ్చని ఇసుక తిన్నలపై అలుపొచ్చి నీరసిల్లి మోకరిల్లాను
బడలిక.. పెద్ద గీత ముందు చిన్న గీత..
రాలిపడిన పూల పుప్పొడి వాసనలతో ముక్కుపుటాలకు ఇక్కడ బోలెడు పని
నీటి గుంటల మాటున దాగి సయ్యాటలాడుతున్న చిట్టి చేపల సందడి
అటు నుంచి ఇటు ఇటు నుంచి అటు నేలకు ఆకాశానికీ నిచ్చెన వేస్తున్న ఆలోచనలు
ఒక రోజు మరో రోజులోకి మారిపోతూ.. మత్తు కళ్లు జోగిపోతూ
కల కంటున్నాను.. సుందర దృశ్యాలను.. ఇసుక తిన్నెలను.. ఎండమావులను
No comments:
Post a Comment