స్పందించని ప్రేమ..

కన్నీరును దాచుకుని 

కళ్ళుమూసుకుని 

మౌనంగా ఊరుకొని

ఇప్పుడు

వేయి గొంతుకలు పూడుకున్న 

బాధను మోస్తుంది హృదయం

విడిచిన ప్రేమల సాక్షిగా

వెంటపడిన దిగుళ్ళను మోస్తూ

నీ రూపం ఆలోచనలో ఎదురైన ప్రతిసారీ

ఎటో తప్పించుకుంటాను

వాలిన చూపుల గాలాలు

మూగబోయిన గొంతుకలు

చిరునవ్వును వెతికి పట్టుకోవాలి

వినిపించని కబుర్ల హోరు

నీతో నడిచిన దారులలో 

వెలిసిన జాడలు

మొదట స్నేహం ప్రేమయింది

ఇప్పుడు తీరని దిగులు

రేపు విషాదం నిండిన గురుతు

ఓడిపోవడం..గెలవడం

కాకుండా..ఇంకేం చేయగలదు

ఈ ప్రేమ