నీ ప్రేమకు కొలమానం..

మాటలన్నీ మన మధ్య చేరలేక

మౌనవ్రతం తీసుకున్నాకా..

నీ బిగి కౌగిలి చెప్పే విషయం ఏమంటే 

నీకు నామీద వల్లమాలిన ప్రేమని..

ఈ ప్రేమకంతా కొలమానం  

వెతకాలంటావా..

అది నీవిచ్చే ముద్దులోనే 

అందుకోగలను నేను..

జాలిగా.,కవ్వింపుగా నువ్వు చూసే

చూపులో చిక్కుకున్న 

నా హృదయానికి తెలుసు..

అవి ఎంత వాడైనవో..

కాలంలో వెనక్కు వెళ్లి గతకాలపు

మన జ్ఞాపకాలను ఏరి తెచ్చుకున్నప్పుడు

అప్పుడు కనిపిస్తుంది నీ కళ్ళలో

దివిటీల వెలుగు..

భవిష్యత్ ఎంత అందంగా అల్లుకోవచ్చో

ఆశ చూపిస్తావు చూడు

అలజడంతా మరిచి నీ ఆలింగనంలో

మరోసారి కరిగిపోతాను.

నా గుండెకు తగిలిన గాయాలన్నీ 

నీ చల్లని స్పర్శానందంలో 

కరిగిపోతాయి చూడు

అప్పుడు తెలుస్తుంది..  

నీ మనసెంత స్వచ్ఛమైన

వెన్నముద్దో..

వదలలేక వదలేక నన్ను 

వదిలి వెళతావే..అప్పుడే

కంట కన్నీరు పొంగి 

వస్తున్నప్పుడు తెలుస్తుంది 

నువ్వేం చేసావో ఈ హృదయాన్ని..