నా ఊహకు ఊతమై..

ఆకాశాన్ని చూస్తూ ఆలోచిస్తానా 

ఎప్పుడో తెలీకుండానే నీ ఊహ 

అల్లుకుంటుంది

వేల ఊహలను కుప్పగా పోసి 

నీ ఊహను కంటాను నేను

వెలుగుపరుచుకోని దారులంట

నీతో ప్రయాణిస్తాను

ప్రకృతి విలాశాన్నంతా 

చూసి మనమూ ప్రేమ పక్షులమై

వేగం తెలియని పరుగులు 

పెడుతూ ఎన్ని మైళ్ళో అలా

ఆ చేల పచ్చదనంలో 

పసుపద్దుకుంటుంది మన ప్రేమ

సూర్యాస్తమయంలో కుంకుమ 

దిద్దుకుంటుంది

మన చెలిమి చూసి త్వరపడి 

కలువలు వికసిస్తాయి

వీచే చిరుగాలికి నా నిదుర 

చెదరి నీలోకి ఒదిగిపోతాను

అలా నిజంలోకి మారానోలేదో

పక్కన నిన్ను వెదుక్కుని వెక్కి

ఏడుస్తుంది హృదయం

నీ కౌగిలి స్పర్శను మరువలేక

నీ జ్ఞాపకాలతో గుబులు పడుతుంది

తోవ తెలియని పక్షికి మల్లే రెక్కలాడిస్తూ

మళ్ళీ నిన్ను వెతకడానికి సిద్ధమవుతాను