కలలు..

ఎందుకు వస్తాయి కలలు

ఆలోచనను పిండి కవితగా అల్లేందుకే

గమ్యమంటూ లేని కలలు

ఏ అతిథికీ అతిథ్యం ఇవ్వక

రంగు రంగుల భావాలతో 

గుసగుసలాడతాయి.

జ్ఞాపకం కన్నీరు పెట్టిస్తుంటే కలలు జోలపాడతాయి.

జనం మసలని దారుల్లో ప్రయాణించి

అమృతం కురిసే రాత్రుల్ని అన్వేషిస్తాయి.

గన్నేరుపూల సుగంధాలను తాకి, గత అనుభవాలను అల్లే అలలు

పూలవాడల్లో పుప్పొడిని రాలుస్తూ, 

మబ్బుల వాడల్లో విహరించే కలలు

చేదును చెరిపేసి, తీపిని నింపేందుకు

కసరత్తులు చేస్తాయీ కలలు

దుఃఖానికి రంగుపూతను పూసి 

ఊహల్లో విహరింపజేస్తాయి.

అప్పుడే పిలవకు

కాసేపు ఇదే కలలో ఉండనీ.. 

ఎంత హాయిగా ఉందనీ..