మంకెన్నలందం..4-4-2024

ప్రేమిస్తాను ఎప్పటికీ.. 

నిదురతో వాలిపోయే కళ్లను నిటారుగా చేసి,  

రాధామాధవాలంత మనోహరంగా నీరాక కోసం చూస్తాను..

ఆరు బయట సాయంత్రాలు విచ్చుకునే

చంద్రకాంతలనడుగు

గుమ్మనికి నా కళ్లను అప్పగించేసిన తీరు

చీకటి వేళకు విచ్చుకునే సన్నజాజులో..

సువాసనేస్తూ, వాకిలంతా పరుచుకుంటూ

నా ఎదురుచూపును వెక్కిరిస్తుంటాయి..

మరి మల్లెలో ప్రియుని రాకలో విరహాన్ని 

రాతిరికి అప్పగిస్తాయి.

నిదురలో నువ్విచ్చే ముద్దు 

గులాబీలను హత్తుకున్నట్టు..

చల్లని గాలిలో, జోరు వానలో, ప్రతికాలంలో

నాతో నువ్వుండే సమయాలు చాలవూ.. పూల సొగసులా..

జీవిత సౌకుమార్యాన్ని ఆస్వాదించేందుకు..

ఈ తడిపొడి సుఖ దుఃఖాలకేం తెలుసు

నీ కోపంలో, ప్రేమలో దాగిన మంకెన్నలందం..