ఎవరెరిగేరు..

నిన్నటి కలలో

చంద్రకాంతలన్నీ సాలభంజికలై

నిలువుటద్దం ముందు

నీ ఊసులాడాయి

ఎవరెరిగేరు నీ జాడ ఎవరెరిగేరు

కడలి నురుగల్లే నీ నవ్వు జాబిలై కాసింది

ఆ నవ్వు నాగమల్లెలై పూసి చింతపువ్వు

సిగ్గు నేర్చింది

ఆకాశాన..ఆ కడలిపైన నీ ఊసు

మరవక మనసు పరుగులందుకుంది

నీ జాడ అందని దిగులు ఈ వైపు

ఆ వైపు వెన్నెల వానల్లే కురిసింది

నడిరేయి తారల్లే చెంతకు వస్తావనీ

నేతాళ భేతాళ కథలెన్ని చెప్పినా

కునుకునే మరిచాయి కళ్ళు

ఆ మేఘాలమాటున దాగున్నావో

ఏ లతాంగి ఒడిలో జోగుతున్నావో

నేనున్నానని మరిచేవో మరి..ఇంతకీ

నేనున్నానా..!!!