లోపలి అలలు

జీవితం చెక్కిన శిల్పాలన్నీ ఒక్కోతీరు చక్రం తిరిగితేనే గానీ పూటగడవని పిన్ని పాతికేళ్ళకే పెద్దరికాన్ని మీదేసుకున్న అనుభవం తో మాట సాగేసే ఆరిందా చెల్లి ఎదురింటి గోడపై వాలిపోయి పొరిగింటి కబుర్లు సేకరించే యాభైఏళ్ళ పడుచుపిల్ల దొడ్లో ములగచెట్టు కాయల్ని వేళతెలీకుండా లెక్కేసుకునే ముసలామె సహదర్మచారిణికి బట్టలు ఉతికి సహాయం చేసే కాంపౌండరు ఆటోలో బడి పిల్లల్ని తీసుకెళ్ళె పక్కింటి డ్రైవరు సగం రోజుని ఫోనులోనే గడిపేసే బాల మేధావులు కరెంటు పోగానే టీవీ సిరియళ్ళ కథలతో పంచాయితీలు సాగించే గృహ లక్ష్ములు

వాస్తవానికి నేను నీలో ఇంకిపోయి మాటిమాటికి నీ కలను కంటున్నాను వేల వసంతాలను ఒక్కసారే ఎత్తుకు వచ్చిన ఊహవు నువ్వు వయసు ఆరాటాన్ని తీర్చే జతగాడివి మనసు భారాన్ని దింపే ప్రేమికుడివి నీ నవ్వును గురుతుపెట్టుకున్న మనసు నిన్ను ఇక్కడికీ మొసుకొచ్చింది గతానికి వాస్తవాన్ని కలిపి నిచ్చెన వేసి నీతో నడిచిన దారిలో నడుస్తోంది వికసించే మల్లెలన్నీ నిన్ను గురించి అడిగాయి నీ మనసుకు అద్దిన పరిమళాలు తమవే అన్నాయి వాటైన ఆ సిరులన్నీ పోగేసి నిన్ను పట్టుకున్నాను చేతికంది మాయమైంది ఒక్క క్షణం నీరూపం అప్పుడూ ఎంత నిజమైన ఆకారానివో నువ్వు

సూరీడు ఇంకా కనికరం చూపలేదు ఈ ప్రకృతిని రాతిరి విడవలేదు పైరునంటిన పొగమంచు వాసన పచ్చదనాన్ని కప్పేసిన చీకటి పూరిపాకలో ప్రశాంతమైన నిద్ర కుక్కపిల్లను వెక్కిరిస్తున్న వీధిలైటు ఇళ్ళను కావలించుకున్న చెట్ల నీడ ఫారాల్లో నిద్దరోతున్న కోళ్ళు పలకరించిన గబ్బు వాసన దీపాన్ని చుట్టుముట్టిన పురుగులు మర్రిచెట్టు మీది కాకులు కప్పల బెక బెకలు కన్ను పొడుచుకున్నా కానని దారి వేగమందుకున్న రైలు బండి పెద్దవై చిన్నబోతున్న దీపాలు కాంతిని కాసేపు ఆర్పేసిన గుడ్డి ఇళ్ళు ఊగుతున్న కట్టవ మీది తాటిచెట్లు కీచురాళ్ళ పలకరింపులు కాలాన్ని చక్రాలకు కట్టుకుని దూసుకొచ్చిన గూడ్సు రైలు గమ్యాన్ని చేరాలని ఆరాటం దూరంగా నిద్దరలో జోగుతున్న ఊళ్ళు

నిన్నటి కలలో చంద్రకాంతలన్నీ సాలభంజికలై నిలువుటద్దం ముందు నీ ఊసులాడాయి ఎవరెరిగేరు నీ జాడ ఎవరెరిగేరు కడలి నురుగల్లే నీ నవ్వు జాబిలై కాసింది ఆ నవ్వు నాగమల్లెలై పూసి చింతపువ్వు సిగ్గు నేర్చింది ఆకాశాన..ఆ కడలిపైన నీ ఊసు మరవక మనసు పరుగులందుకుంది నీ జాడ అందని దిగులు ఈ వైపు ఆ వైపు వెన్నెల వానల్లే కురిసింది నడిరేయి తారల్లే చెంతకు వస్తావనీ నేతాళ భేతాళ కథలెన్ని చెప్పినా కునుకునే మరిచాయి కళ్ళు ఆ మేఘాలమాటున దాగున్నావో ఏ లతాంగి ఒడిలో జోగుతున్నావో నేనున్నానని మరిచేవో మరి..ఇంతకీ నేనున్నానా..!!!

మసకబారేటి రాతిరికి పాడే దీపాల జోల నిదురకన్నులకు వెన్నెల అద్దిన సోయగపు సోన మల్లె పందిరి కింద మగనితోడుగా వదులుచేసుకున్న హొయలు ఎన్నో జార విడిచిన కోక, ముడివిడిన కురులు తప్ప ఎవరు ఎరిగేరు ఏంకాంత ఏమంత సొగసో కునుకు ఎరుగని రాత్రి కన్నులు కలువలై మెరిసి అమృతపు అనుభవాలను దాచుకుంది. మధూదయంలో గేలిచేసిన మధవీ లతలకేం తెలుసు గతరాత్రి ప్రణయాన్ని పట్టుకున్న వాడిన మల్లెలే సాక్ష్యం

జీవితకాలపు కలబోతల  వెనుక  బుగ్గనంటిన  తీపికారాల చేదువగరుల ముద్దులన్నీ తలపుకొచ్చాయి చైత్రమాసపు పూల గుభాళింపు నీ మమతనంతా వొలకబోసింది మామిడి తోరణాలు ఊగుతూ  నీకోసం చూస్తున్నాయి వేప పువ్వు నీ కోపాల తాపాలను తడిమి పోయింది చెరకు రసం నీ తీపి కబుర్లను ఎత్తు కొచ్చింది. మామిడికాయ పులుపు నీ  అలకనే గుర్తు చేసింది. ఎంత గట్టి వాడవో బెల్లమల్లె  కరిగిపోతావు. మాయ పన్నిన మనసు నీ  తలపున తడిచి ఆరు రుచులను మించిన  రుచిని వెతుకుతుంది. వాకిట ముగ్గులు తెచ్చే కళ నీ ముందు చిన్నబోయింది పండగంతా నీ నవ్వులోనే ఉంది ఎన్ని మార్లు ఇది ఉగాదనీ హృదయాల కలబోతల  కాలమనీ చెప్పాలీ.. 🌺 ప్లవ నామ సంవత్సర ఉగాది శుభాకాంక్షలు🌺

శిశిరం తాకిన వృక్షానికి తెలుసు  ఇది శాస్వతం కాదని అమృతం ఒంపుకుని అందంగా మెరిసే ఆ చందమామే సాక్ష్యం ఆ..ఎగిరేవన్నీ కపోతాలే.. ఒక్క నా ఊహ తప్ప గాలితో కబుర్లు మోసుకొచ్చిన   పక్షి ఈకను నేను కలల కోరికల పచ్చదనాన తొలకరి వానకు తడిచిన  వృక్షానికి అంటిన అందం పచ్చని తోటలో పున్నమి వెన్నెల్లో  పండిన నిండైన రాతిరి నాలో దాగి మెరిసే నీ రూపు  నీకూ నాకూ మధ్య నడిమి స్వర్గంలో మన ప్రేమ మరు మజిలీకి విసిరికొడుతూ వీగిపోతూ అలలతో సముద్రం ఆడుకుంటుంది ఈదే చేపలన్నీ పెట్టే గిలిగింతలతో నురుగులు కక్కుతూ బెదిరిపోను, బిడియపడను నీ రాకకై చెదరని హృదయాన్ని సిద్ధం చేస్తున్నాను..