జీవం

నా సుగంధ పరిమళాలు 

దిగంతాలు వ్యాపించడం తెలుసు

ఏటి ఒడ్డున నిలుచున్న నాకు నీటి గలగలలు తెలుసు

నా నీడన శయనించిన ప్రేమ జంటల కిలకిలలు తెలుసు

ప్రతి వెన్నెల రాత్రి నెలరాజు పలకరింపుగా నవ్వింది తెలుసు

పక్షులు నాపై వాలి పాడిన విరహగీతాలు తెలుసు

చిట్టి చేపలు నీట తేలి నా నీడతో సయ్యాటలాడటం తెలుసు

కానీ ఇప్పుడన్నీ 

చాలా దూరంగా

 పారిపోయాయి 

ఎందుకనో

మరి నాలో 

పూర్వపు
జీవం లేదనో
ఆకులు రాలి
పువ్వులు వడలి
మోడుగా మిగిలాననో